Followers

Thursday, March 8

Penganan Itu Dodol

bismillahirrahmanirrahim..

AMARAN!!! KEPADA YANG TIDAK MEMAHAHI PERKATAN2 DI BAWAH, SILA RUJUK PADA YANG PAKAR.. =)
.
.
.
.
.
.
.
.
.
.
.
.

sehaghi duo ni, sey tak tau apo kono dongan sey ni. Smonjak dah jumpo orang sekampung kek UIA ni (xdo la sekampung mano pon..), bosepah loghat nogoghi somilan sey. tibo2 plak toghingek kek kampung halaman..

sobonar ey, sey ni asa melako. Tapi kek kampung, sey cakap N9. Dongan omak, nenek sumo skali la. Dongan abah yo dak sobab dio lahir Juhor. Xdo la nogoghi ey. Tapi sey ni xdo la buleh 'speaking' fasih boto. Agak2 kalau jumpo sapo2 kek nogoghi ni, sey ni buleh hidup laie la orang cakap.



Nak dikoba an, sey ado la tanyo omak sey :

"Mak, kito punyo suku ni apo??"

"Semonggang.."

Maso tu la sey baghu tau yang sey ni ado suku2 ey. Semonggang. haha. Sodap gak namo tu. Tapi omak sey ponah koba,

"Orang pompuan ni kalau dio cakap N9, cantik mano pun hilong soghi ey.."

Hahah. Tak tau apo sobab ey. Mungkin N9 ni kasa skit baso ey. Orang ey pun kasar gak. Tapi ati ey lombut. Tu dio lobeh orang N9 ni.

Tapi, apo2 pun. sey ni masih blaja laie baso ni. Sobab po? Sey ni duk KL. Jumpo plak dongan ghamai orang. Lain orang lain baso ey. Jadi, lamo2 loghat tu da tak brapo nak ingek laie. Haish... Tapi takpo. Kito kono banggo dongan baso kito. Kan?? Hangguk yo la.. =)

Lupo nak koba, sey ni orang Naning, Melako. Sompadan dongan N9. Tu yang sey ngaku lahir duo nogoghi tu. haha.

notakaki : Korang paham tak apa yang aku cakap ni?? haha.. Kat sini, aku x guna bahasa yang tinggi2 la. Takut ada yang tenganga plak. Btw, YA! Penganan itu dodol. =)

No comments:

LinkWithin

Related Posts Plugin for WordPress, Blogger...